सण नक्की का????

आज महाशिवरात्री...

सर्वप्रथम महाशिवरात्री च्या हार्दिक शुभेच्छा🙏🏻

थोडस_वेगळा_विचार.

काल रात्री घरच्यांनी फोन  करून सांगितले उद्या काय आहे माहित आहे का? उद्या महाशिवरात्री आहे लक्षात ठेव !
आणि उपवास धर नाहीतर विसरायचा...!

लहानपणापासून एकच भाबडी गोष्ट असायची किंवा तसे घरच्यांकडून कळले की वर्षातून आषाढी एकादशी आणि महाशिवरात्रीला उपवास धरायचा...आता त्यामागील कारण माहित नाही पण मी मोठे श्रद्धा असलेलं दिवस असा विचार करून उपवास धरतो आणि लहानपणासुनाच भरपूर खिचडी खायची हीच गोष्ट मनात असते.

परंतु रात्री थोडा वेगळा विचार मनात आला आतापर्यंत महाशिवरात्रीचे किंवा उपवास धरण्याचे कारण मला माहीतच नव्हतं तीच सर्वसाधारण माहिती...महादेवाने देवांना हरवून तांडव केला ती रात्र किंवा त्याच्या जन्म झाला तो दिवस किंवा त्यांच्या लग्नाचा दिवस असे....!
परंतु नक्की काय याची उत्सुकता वाटली आणी रात्री 2 वाजता नेटवर विकिपीडिया सर्च करून सगळी माहिती घेतली तेव्हा कुठे आता नक्की महाशिवरात्री का हे समजले...!

अशा अनेक गोष्टी नक्की का माहितच नसतात परंतु त्या आपल्या जीवनाशी खूप जवळून निगडित असतात. त्यामुळं त्यांची माहिती असणे देखील गरजेचे आहे असे मला वाटते.
स्मार्टफोन च्या जमान्यात नेटवर सगळी माहिती मिळते त्यामुळं मी देखील महाशिवरात्री नक्की का ? हे इथे सांगणार नाही आपणच कुरियस माईंड ठेऊन ती घ्यायला पाहिजे असे माझे मत आहे.

लहानपणापासूनच  आंब्याचा मोहोर महादेवाला वाहून पूजा करायची आणि उपवास धरून भरपूर खिचडी खायची यापलीकडे मला तरी याचे महत्व खरच माहित नव्हते आणि  माझ्यासारखे असे अनेक जण असतील.

शेवटी आपण एक सुज्ञान व्यक्ती असताना आपण ज्या समाजात राहतो ,जे काही करतो त्याची थोडीफार माहिती असणे देखील गरजेचे आहे असे मला वाटते.

शेवटी अंधाऱ्या नजरेने पाहून लोकांचे अनुकरण करायचे कि डोळस होऊन अशा अनेक गोष्टीकडे पाहून त्यांचे महत्व समजून घ्यायचे......
Finally choice is yours....!

पुन्हा एकदा महाशिवरात्रीच्या हार्दिक सुभेच्छा.

      🙏🏻 ॐ नमः शिवाय🙏🏻

✍🏻गणेश सातकर